Saturday, 12 November 2016

TRUMP AZUNGUMZA KWA MARA YA KWANZA NA VYOMBO VYA HABARI TANGU ASHINDE KITI CHA URAIS


KATIKA  mahojiano yake ya kwanza tangu aingie ikulu ya marekani Rais mteule wa Marekani Donald Trump aliyekuwa akipinga Bima ya afya ya Obama inayofaahamika kama Obama care, sasa amesema atafanyia marekebisho machache kipengee cha sheria juu ya bima hiyo ya matibabu kwa gharama nafuu.

Trump ametangaza mageuzi makubwa ya sera punde atakapochukua nafasi ya Barack Obama katika Ikulu ya White House mwezi Januari mwaka ujao.

Trump, aliyesisitiza vikali kuwa atafutilia mbali bima hiyo inayowapa fursa mamilioni ya Wamarekani maskini kupata huduma ya afya kwa bei nafuu punde tu atakapochaguliwa rais, yaonekana amebadilisha msimamo wake juu ya suala hilo.
Na Katika kile kinachoonekana kulegeza msimamo wake juu ya mpinzani wake Hillary Clinton, Rais huyo mteule amesema,Clinton ni mwanamke mkakamavu na mwenye tajiriba kubwa.

No comments:

Post a Comment

FIND US ON FACEBOOK

Followers

FOLLOW ME ON INSTAGRAM