Saturday, March 11, 2017

CALL +255 658 194 194 F0R LM IT & BUSINESS CONSULTANCY ONLINE/OFFLINE



BLOG DESIGNING...........................40,000/=
BLOG MODIFICATION......................20,000/=
LOGO DESIGNING..........................20,000/=
RESEARCH PROPOSAL WRITING......150,000/= 
RESEARCH PAPER (DISSERTATION) 250,000/=
BUSINESS PLAN WRITING .............150,000/=
PROJECT PROPOSAL......................200,000/=
COMPANY PROFILE  ......................100,000/=
BANNERS & POSTERS DESIGNING NEGOTIABLE
FINAL ACCOUNTS PREPARATION.....250,000/=
FINAL A/C ON EXCEL DESIGN ........100,000/=
BUSINESS IDEA ............................50,000/=
DOMAIN NAME REGISTRATION........ 45,000/=
WEBSITE DESIGNING.................NEGOTIABLE
WEBSITE HOSTING ...................NEGOTIABLE
Share:

Wednesday, January 18, 2017

MWENYE MACHO HAAMBIWI ONA

 She Claims to Have a Big Behind than Ageness Masogange And it’s Natural (PHOTO)..Do you Agree?.....See What Masogange has Below:




Share:

WOLPER AIJUTIA HISTORIA YAKE YA MAPENZI, HIKI NDICHO ALICHOKISEMA KWA MASIKITIKO

DIVA wa kiwango cha juu cha filamu hapa Bongo, Jacqueline Wolper, ameonekana kujutia historia yake ya kimapenzi baada ya kufungukia kitendo cha yeye kumuanika kila aliyekuwa akimpenda kwamba kimemtibulia na sasa amejifunza kutokana na makosa.
Jacqueline Wolper ambaye kwa sasa anajulika kwa jina Ilham Wolper hivi karibuni alikua na mahojiano na mwandishi wa gazeti la Ijumaa aliyasema hayo kwa masikitiko makubwa. Wolper alisema kuwa, kwenye maisha yake ya huko nyuma ameshajianika akiwa na wapenzi tofauti lakini sasa atakayempa nafasi kwenye moyo wake hatamuanika ila hilo litakuja baadaye sana kwani sasa hivi kaweka pembeni kwanza mambo ya mapenzi. 
“Sitaki yajirudie yaliyotokea katika maisha yangu ya huko nyuma, hata hivyo sasa hivi niko bize sana na kazi, mambo ya wanaume nimeamua kuyaweka pembeni kwanza,” alisema Wolper na kuongeza:
“Sitaki itokee kama ilivyokuwa kwa Dallas ambapo kila mtu alijua alikuwa ni mtu wangu, kwa sasa nimeamua kutulia kwanza na hata nikimpata mwingine watu hawatamjua hadi wakati wa ndoa.”

Source:GPL
Share:

Mganga wa Kienyeji Mbaroni Kwa Kumbaka Binti wa Miaka 19


MGANGA wa kienyeji, mkazi wa Kijiji cha Kirungu mkoani Kigoma, Wilson Ndaliheremo (30), amepandishwa kizimbani katika Mahakama ya Wilaya ya Kinondoni akikabiliwa na tuhuma za kumbaka binti (jina tunalo) mwenye umri wa miaka 19.


Mbele ya Hakimu Joyce Mushi, Wakili wa Serikali, Daisy Makakala, alidai kwamba mtuhumiwa alitenda kosa hilo Desemba 29, mwaka jana maeneo ya Kawe Ukwamani.

Katika maelezo ya hati ya mashtaka, wakili huyo alidai mtuhumiwa alimwingilia msichana huyo bila ridhaa yake kisha kumsababishia maumivu makali sehemu zake za siri.

Baada ya maelezo hayo, mtuhumiwa alikana kutenda kosa hilo.

Wakili alidai upelelezi wa shauri hilo unaendelea hivyo akaomba tarehe nyingine ya kutajwa.

Hata hivyo, Hakimu Mushi alisema kwa mujibu wa sheria shtaka hilo linadhaminika, hivyo alimtaka mtuhumiwa kuwa na wadhamini wawili walioajiriwa serikalini au katika taasisi inayotambulika kisheria, pia watakaoweka saini ya maandishi ya Sh milioni tano kila mmoja.

Mahakama imeahirisha kesi hiyo hadi Januari 30, mwaka huu itakapotajwa tena na mtuhumiwa alirejeshwa mahabusu kwa kushindwa kutimiza masharti ya dhamana.
Share:

Vijana wawili wafariki dunia kwa kugongwa na treni wakati wakipiga ‘selfie’

Vijana wawili wamefariki walipokuwa wanajipiga picha katika barabara ya reli katika mji mkuu wa India Delhi.

Kundi la vijana lilikwenda katika kituo cha reli kupiga selfie mbele ya treni zilizokuwa zinawadia.

Lakini wawili walichelewa kuondoka katika reli hiyo na treni ikawakanyaga, polisi imesema.

Utafiti mwaka uliopita umeonyesha kuwa kumeshuhudiwa vifo vingi vinavyohusisha watu kupiga Selfi India kuliko nchi nyingine yoyote.

Wasomi kutoka chuo kikuu cha Carnegie Mellon na taasisi ya mawasiliano ya Indraprastha mjini Delhi wanasema kuwa kati ya vifo 127 vinavyotokana na watu kupiga Selfie kati ya mwaka 2014 – 2015, visa 76 vimeripotiwa India.

Tukio la hivi karibuni limejulikana baada ya vyombo vya habari katika eneo hilo kutoa taarifa Jumanne.

“Wakati wa kupiga picha, waliiona treni ikija wakasongea kando. Lakini treni nyingine ilitokezea upande wa pili na walikwama katikati. Waligongwa na mojawapo ya treni hizo,” Indian Express ilimnukuu afisa wa polisi.

Afisa mmoja wa polisi wa reli ameongeza kuwa vijana hao walimkodisha mpigaji picha mtaalamu kwa kazi hiyo.

“Tumeipata kamera kutoka kwa vijana iliotumika. Mlikuwa na picha na video, Video inakaguliwa, wakati picha hizo zinathibitisha kuwa walikuwa wanaruka kutoka reli moja hadi nyengine,” Naibu kamishna wa polisi Parwaiz Ahmed ameiambia Hindustan Times.

Mwaka jana wanafunzi wawili walizama walipokuwa wanapiga selfi katika mto uliofurika katika eneo la jimbo la kaskazini la Uttar Pradesh.

Na polisi mjini Mumbai imetaja maeneo 15 ambapo ‘ni hatari’ kupiga Selfie baada ya msichana wa miaka 18 kuzama baharini wakati akijipiga selfie.
Share:

Godbless Lema na Mkewe Kizimbani tena Leo

Hakimu Mfawidhi wa Mahakama ya Hakimu Mkazi Mkoa wa Arusha, Augustino Rwezile, leo, anatarajia kuwasomea hoja za awali Mbunge wa Arusha Mjini, Godbless Lema na mkewe, Neema katika kesi inayowakabili ya kumtukana Mkuu wa mkoa huo, Mrisho Gambo. 
Hoja hizo ilikuwa wasomewe Novemba 15, 2016 lakini zilikwama kusomwa kutokana na Lema kuugua ghafla na Wakili wa Serikali, Elizabeth Swai kumuomba hakimu kutumia busara ya Mahakama kuisogeza mbele kesi hiyo kutokana na hali ya mbunge huyo. 
Lema bado anasota rumande kwa siku 76 tangu Novemba 2, mwaka jana baada ya kukosa dhamana katika kesi inayomkabili ya tuhuma za kutumia lugha ya uchochezi dhidi ya Rais John Magufuli. 
Kutokana na sababu hiyo, Hakimu Rwezile pia aliahirisha kesi ya kuhamasisha maandamano ya Ukuta inayomkabili mbunge huyo na ile ya kumtumia ujumbe mfupi wa maneno Gambo unaodaiwa kuwa na matusi hadi leo. 
Katika kesi ya kuhamasisha maandamano inayomkabili Lema peke yake, shahidi ambaye ni Mkuu wa Makosa ya Jinai Mkoa (RCO) wa Arusha, George Katabazi ataanza kutoa ushahidi wake ambao ilikuwa atoe Novemba 15.
Awali, upande wa Jamhuri ulidai utakuwa na mashahidi watano katika kesi ya kuhamaisha maandamano na upelelezi umekamilika. 

Mashahidi wengine ni ASP Damas Masawe ambaye ni (OCCID), Inspekta Adam Nyamiti, WP 6826 DC Esta Yohana na Ezekiel Denis Kwayu kutoka kitengo cha Upelelezi Makao Makuu ya Jeshi la Polisi jijini Dar es Salaam. 
Kwa upande wa kesi ya Lema na mkewe ya kumtumia ujumbe wa matusi Gambo, itaanza kusomwa maelezo ya awali ambayo nayo itakuwa tayari kwa kuanza kusikiliza baada ya upelelezi kukamilika.
Share:

Yule Mwanamke Aliyecharazwa Bakora 50 Huko Mara Afunguka,Adai Chanzo ni hiki


Tukio la mwanamke mmoja mkoani Mara kucharazwa viboko 50 na wanaume  wanaodaiwa ni wa  kutoka kwenye baraza la kimila, ndilo lililofunga mwaka 2016 na kuufungua mwaka mpya wa 2017, lakini Uwazi limekuwa gazeti la kwanza kuzungumza na mwanamke huyo ana kwa ana ambaye amesimulia mazito juu ya nini kilitokea, kubwa zaidi ni ujauzito wake kuharibika kwa sababu ya kipigo.

 
TUJIKUMBUSHE KWANZA

Januari 9, mwaka huu, video inayomwonesha mwanamke huyo akiwa anacharazwa viboko na wanaume wasiopungua wanne ilisambaa kwenye mitandao mbalimbali ya kijamii kiasi cha kuzua taharuki katika jamii.

Wengi walilaani tukio hilo huku habari zikisema kuwa, Polisi Makao Makuu jijini hapa walitoa agizo kwa makamanda wote wa polisi wa mikoa nchini kufuatilia kwa kina tukio hilo la kinyama ili kubaini lilitokea wapi baada ya video hiyo kutotoa ushirikiano wa sehemu husika.

JANUARI 12, 2017

Januari 12, vyombo vya habari vikaripoti kuwa, tukio hilo lilitokea wilayani Rorya, Mkoa wa Mara ambapo watu kumi walikamatwa wakihusishwa na tukio hilo lililotafsiriwa kuwa ni la kudhalilisha na kuondoa utu wake.

UWAZI LAFUATILIA KWA KINA 

Kwa kawaida, kukamatwa kwa watu hao kumi na kufikishwa kwenye Kituo cha Polisi cha Rorya ilikuwa ndiyo hitimisho la tukio hilo licha ya kwamba, Watanzania walio wengi walikuwa na kiu ya kujua kisa cha tukio na mhusika anasemaje na nini kinandelea? Ndipo Gazeti la Uwazi, kama kawaida yake ya ufuatiliaji wa matukio hata ndanindani, lilijivika jukumu la kufuatilia.

JANUARI 14, 2017

Januari 14, mwaka huu katika Kitongoji cha Kwitonyi, Kijiji cha Kinesi, Kata ya Nyamuga, Wilaya ya Rorya mkoani hapa, Uwazi lilikutana ana kwa ana na Ghati Chacha Makori (32) ambaye alikiri kuwa, yeye ndiye yule mwanamke anayeonekana kwenye video akicharazwa viboko.

UWAZI LAMKUTA AMEKAA UPANDEUPANDE

Nje ya nyumba yake ya matofali ya kuchoma, Ghati alikuwa amekaa upandeupande na alipoulizwa alisema kuwa, mpaka siku hiyo ya Jumamosi alikuwa anasikia maumivu makali sana yaliyotokana na kupigwa viboko hivyo hakuwa anaweza kukaa kwa makalio.

HII HAPA SIMULIZI YAKE

Akizungumza na Uwazi nyumbani hapo, Ghati, mama wa watoto wanne, alisema:

“Ilikuwa Desemba 23, 2016,  majira ya kama saa 2:00 hivi asubuhi, mimi nikiwa hapa nyumbani kwangu na familia yangu, walifika vijana wawili, pia ni wakazi wa kijiji hiki, wakaniambia naitwa na wazee wa kimila wa kijiji.

“Mimi niliwaambia wale vijana kwamba, sitaweza kwenda huko kwa sababu naumwa, na kweli naumwa hata sasa. Lakini cha ajabu, wale vijana waligoma kuondoka kupeleka majibu, wakaamua kunibeba kwa nguvu kwenye baiskeli hadi kwa wazee wa kimila ambao niliwakuta wamekusanyika kwenye mkutano chini ya mti.

WAZEE WAMHUKUMU

“Baada ya kufikishwa kwenye mkutano huo wa kimila, wale wazee wa kimila walinihukumu kwa kuamuru nichapwe viboko hamsini (50) bila kunieleza kosa langu ni nini! Wala hawakunipa nafasi ya kujieleza kwenye mkutano huo uliokuwa ukiongozwa na wazee 12.

UJAUZITO WA MIEZI MITATU WAHARIBIKA

“Nikiwa nashangaa sasa, ghafla walianza kunicharaza viboko kwenye makalio huku wakiwa wamenilaza chini na kunikanyaga shingoni ili nisitapetape.

“Hali ile ilinisababishia maumivu makali sana. Kwa kweli maumivu yalikuwa makali sana. Mbaya zaidi wakawa wanaitana kuja kunicharaza viboko. Kila mmoja alichapa idadi yake.

“Nilikuja kushtuka nikiwa navuja damu nyingi. Nilikuwa na ujauzito wa miezi mitatu nao ukachoropoka.

AELEZWA KISA CHA KUCHARAZWA VIBOKO

 “Baada ya kuchapwa viboko hivyo, wale wazee walimuita mbele yangu mama yangu mzazi, anaitwa Anna na kisha wazee hao wakanieleza mbele ya mama kwamba, wamenicharaza viboko kwa sababu mama yangu aliwapelekea malalamiko kwamba, nimemtukana na kumuita mchawi na kumkana kuwa yeye si mama yangu mzazi na kwamba nitamuua kwa sumu kwa vile amekatalia nisiuze matofali yangu.”

MADAI YANA UKWELI?

“Ni kweli yule ni mama yangu aliyenizaa, lakini namkataa kabisa kuwa si mama yangu kwa sababu alinifanyia unyama mkubwa bila kujali kuwa mimi ni mtoto wake wa kwanza wa kuzaa na kwa sasa nina mji (makazi) wangu.

“Kisa kiko hivi, nilifyatua matofali 5,800 nyumbani kwetu anapoishi mama, nikayachoma ili niyauze, nilipe mkopo wa watu, lakini mama aliyakatalia matofali hayo nisiyauze, hivyo mimi sioni sababu ya kumuita mama yangu. Mimi najua alipoona nakazania kuuza matofali yangu akaamua kunisemea kwa wazee wa kimila ili nichapwe viboko kama njia ya kunitisha,” alisema Ghati kwa sauti ya kujiamini.

MAMA WA GHATI ANASEMAJE?

Baada ya kusikia maelezo ya Ghati, Uwazi lilimfuata mama yake, Anna Chacha Makori (53), ambaye katika utetezi wake wa kwa nini alimfikisha bintiye kwa wazee wa kimila, alisema:

“Mimi niliamua kumpeleka Ghati kwa wazee wa kimila ili apigwe viboko kwa sababu ananidharau na kuanza kunitukana kuwa mimi ni mchawi mkubwa na kwamba ataniua. Pia amenikana kwamba mimi sijamzaa.”

BARAZA LA WAZEE WA KIMILA LAFUTWA

Matiku Wambura Iramba ni Afisa Mtendaji wa Kijiji cha Kinesi, yeye akizungumzia tukio hilo alisema:
“Ofisi yangu imepokea kwa masikitiko makubwa taarifa za kuchapwa viboko kwa Ghati kwani baraza hilo la kimila lilikuwa likifanya shughuli zake kinyume cha sheria bila ofisi yangu kuelewa. Desemba 21, 2016 (siku mbili kabla ya tukio la Ghati) ofisi yangu ililiandikia baraza hilo barua rasmi ya kulifuta baada ya kulalamikiwa na wananchi juu ya utendaji kazi wake unaokiuka haki za binadamu.

 “Kwa hiyo ninachoweza kusema ni kwamba, tayari baraza hilo nimelifuta. Sijui tena wazee hao walikaa na kuendesha vikao vyao kwa kibali cha nani, nasubiri huyo mwathirika wa tukio alete barua za hospitali ili niwachukulie hatua kali wale wote walioendesha zoezi hilo la kinyama.”

SHUGHULI ZA GHATI

Ghati alisema amekuwa akipata riziki yake ya kila siku kwa kufanya shughuli za kilimo cha bustani ya mbogamboga  lakini kwa sasa hawezi kwenda bustanini na hivyo kutegemea msaada wa watoto wake wadogo.

KAULI YA KAMANDA WA POLISI KANDA MAALUMU  akizungumza na gazeti hili Kaimu Kamanda wa Polisi Kanda Maalum ya Tarime, Rorya ACP Sweetybert Njewike alisema wamemtafuta Ghati lakini wameshindwa kumpata kwa kuwa wazee wa Kimila wamemficha.

Kama kuna uwezekano wa kumleta hapa kituoni mleteni wale wazee wamemficha baada ya kumfanyia ukatili ule”, alisema na kuongezakwamba tabia ile ya kimila haifai na inapaswa kupigwa vita na kila Mtanzania.
Share:

Mbowe Atoa Tamko la Chama Baada ya Lowassa Kukamatwa na Polisi

Mwenyekiti wa Chadema, Freeman Mbowe amelaani kitendo cha polisi wa Mkoa wa Geita kumshikilia kwa zaidi ya saa tatu Waziri Mkuu wa zamani, Edward Lowassa alipokuwa njiani kwenda kwenye mkutano wa kampeni za uchaguzi mdogo Kata ya Nkome wilayani Geita juzi.

Hata hivyo, Jeshi la Polisi limesema halikumkamata mjumbe huyo wa Kamati Kuu ya Chadema, badala yake lilimwita kituoni kwa ajili ya kuhakikisha usalama wake na wa wananchi waliokuwa wamemzunguka.

Akizungumza na waandishi wa habari jijini Mwanza jana, Mbowe alisema huo ni mwendelezo wa ghiliba, hila na unyanyasaji unaofanywa na Jeshi la Polisi dhidi ya viongozi wa vyama vya upinzani kwa lengo la kuinufaisha CCM.

Akifungua kikao cha dharura cha Kamati Kuu ya Chadema, Mbowe alipinga maelezo ya Kamanda wa Polisi wa Mkoa wa Geita, Mponjoli  Mwabulambo kuwa walimshikilia Lowassa kwa usalama wake, akihoji sababu za kuchukua maelezo yake.

“Tumesikia maelezo yaliyotolewa na kamanda wa Polisi kuwa Lowassa alishikiliwa kwa usalama wake. Unayemlinda usalama wake unamwandikisha maelezo?” alihoji Mbowe.

 Alisema lengo la polisi, lilikuwa ni kuhakikisha kuwa Lowassa hafiki na kuhutubia mkutano wa kampeni.

Akizungumzia kuzuiwa kwa shughuli za kisiasa nchini, kiongozi huyo alilitaka jeshi la polisi kuacha umma uonyeshe mapenzi yao kwa viongozi wanaowapenda.

“Nchi hii inastahili kuongozwa katika misingi ya sheria badala ya chuki, ghiliba na ukandamizaji kama tunavyoshuhudia hivi sasa,” alisema.

Alisema ukimya na upole wa vyama vya siasa kunyamazia ukandamizwaji, usichukuliwe kuwa ni udhaifu bali ni busara inayolenga kuepusha jamii na mgawanyiko kiitikadi.

Lowassa aliyegombea urais katika Uchaguzi Mkuu wa 2015 kwa tiketi ya Chadema baada ya kujiengua kutoka CCM, alishikiliwa mjini Geita kuanzia saa 9:30 alasiri hadi saa 12:52 jioni baada ya kusimama na kuwasalimia wananchi waliojitokeza alipokuwa eneo la soko kuu.
Share:

Hii Ndiyo Kazi Aliyoamua Kufanya Mzee Yusuph Baada ya Kuachana na Taarabu



Aliyekuwa staa mkubwa wa muziki wa Taarab Bongo, Mzee Yusuf ambaye kwa sasa amemrudia Mungu wake na kuwa alhaji, amefunguka kuwa bado watu hawaamini kama kweli ameachana na muziki wa kidunia hivyo wamekuwa wakimwalika kwenye misikiti mbalimbali ndani ya Dar na mikoani hivyo kuwa mhadhiri wa kitaifa (kwa mujibu wa Kamusi Sanifu, mhadhiri ni mtu anayetoa mhadhara, au mwalimu katika chuo cha elimu ya juu hususan chuo kikuu).
 
Akizungumza  baada ya kuulizwa juu ya taarifa kwamba anafanya ziara kwenye misikiti mbalimbali na kutoa mawaidha (kufanya mihadhara) ya kumtangaza Mungu kwa nguvu zote, Mzee Yusuf alifunguka kuwa siyo kweli kwamba amepanga ziara ya misikitini bali huwa anaalikwa kwa ajili ya kutoa mawaidha ya Kiislamu.

“Siyo kwamba nimepanga ziara bali kila ninapoingia kwenye misikiti mbalimbali kuswali, watu wamekuwa wakinitaka nitoe neno kwa waumini hivyo nasimama, natoa mawaidha maana ndiyo upande niliochagua kwa sasa wa kumtumikia Mungu wangu.

“Nimekuwa nikipata mialiko kutoka kwa mashehe mbalimbali wa mikoani, ninakwenda kutoa neno maana watu wengi hawaamini kama kweli nimeachana na muziki hivyo ninasafiri sana na nikifika huko ndiyo wengine wanaamini na kuthibitisha.

“Kwa sasa nimeamua kusoma dini kiundani ili nijue nini Mungu anataka na nini hataki, siyo kusoma Quran bali nasoma dini niijue vizuri ,” alisema Mzee Yusuf, hata hivyo, watu mbalimbali wanasema familia yake iko mguu sawa kujiandaa kufuata nyayo zake.

Mwaka jana, Mzee Yusuf alitangaza kuachana na muziki wa taarab kisha akaenda kuhiji Macca, jambo liliibua mshtuko wa mashabiki wake lukuki wa bendi yake ya Jahazi.
Share:

Nabii awanywesha waumini kemikali ya kusafishia injini ili kuondoa Mapepo

Mtu mmoja anayejiita Nabii nchini Afrika Kusini amezua taharuki baada ya picha kusambaa kwenye mitandao ya kijamii zikimuonyesha akiwanywesha waumini wake kemikali ya kusafishia injini na kusema kuwa ina ladha kama asali.

Nabii Theo Bongani Maseko wa kanisa la Breath of Christ Ministries lililopo mjini Johannesburg amesema kuwa kemikali hiyo inashambulia virusi ndani ya mwili wa binadamu na kutambua mapepo.

Maseko alisema kuwa unywaji wa kemikali hiyo hauna madhara yoyote kiafya kwani yeye mwenyewe amewahi kunywa.

“Ina ladha kama asali, nimewahi kunywa mara mbili” alisema Maseko.

Aidha, alisema kuwa waumini wake wote ambao tayari wameshatumia dawa hiyo hakuna hata mmoja aliyepata matatizo ya kiafya na kwamba wote wamekuja na ushuhuda wa kuponywa matatizo yao. Alisema kuwa Mungu alimpa wito huo kabla hata hajazaliwa.

Nabii huyu si yeye pekee aliyefanya vitu vya kushangaza kwani kuna mwingine alikuwa akiwapulizia waumini dawa ya kuuwa wadudu na mwingine akiwanywesha petroli.
Share:

Simba SC yamtangaza mchezaji wake bora wa mwezi Disemba

Klabu ya soka ya Simba SC imemtangaza mchezaji bora wa mwezi Disemba katika timu hiyo.
Mchezaji aliyefanikiwa kushinda tuzo hiyo katika kikosi hicho ni beki Method Mwanjali ambaye ni raia wa Zimbabwe ambaye pia aliwahi kuichezea Mamelodi Sundowns ya Afrika Kusini.
Hivi karibuni mchezaji huyo amekuwa katika kiwango kizuri ikiwa ni siku chache zimepita tangu alipotangazwa kuwa Mchezaji bora wa mashindano katika mashindano ya kombe la Mapinduzi yaliyomalizika Januari 13 huko visiwani Zanzibar kwa Azam FC kuibuka mabingwa.
Share:

Mkuu wa Mkoa Awashusha Vyeo Walimu Wakuu 63 Kisa Mkoa Kuwa wa Mwisho Kitaifa Matokeo ya Form Tw

 
SIKU mbili baada ya Baraza la Mitihani la Taifa (Necta), kutangaza matokeo ya kidato cha pili na shule tisa za mkoa wa Mtwara kushika mkia, Mkuu wa Mkoa huo, Halima Dendegu ameagiza mamlaka husika kuwavua vyeo walimu wakuu wa shule za msingi 63 kutokana na matokeo hayo.

Akizungumza  juzi Dendegu alisema alichukua aumuzi huo baada ya kujiridhisha kutokana na utafiti ambao waliufanya baada ya matokeo ya darasa la saba yaliyotoka mwaka jana.

Alisema taarifa zilizopo zinaonesha wanafunzi hao wa kidato cha pili waliofeli walifanya vizuri kwenye matokeo ya darasa la saba hali ambayo inaibua maswali mengi katika kufeli huko.

Mkuu huyo alisema zipo changamoto mbalimbali ambazo zipo pia katika mikoa mingine ila Mtwara zimekuwa zikitumiwa kama sababu za changamoto za mitihani.

“Hawa wanafunzi walifaulu mtihani wa darasa la saba mwaka 2014/15 hivyo ni jambo la kushangaza kuona leo wanafeli, lazima kuna uzembe kwa wasimamizi wa watoto hao katika ngazi ya msingi,” alisema.

Alisema baada ya kuhoji baadhi ya walimu, walidiriki kusema kuwa walitoa majibu kwa wanafunzi hao hali ambayo ilichangia ufaulu, hivyo kusababisha kilichotokea.

Mkuu wa Mkoa alisema pamoja na walimu wakuu hao kushushwa vyeo, bado wanaendelea na mkakati wa kubaini udhaifu wa walimu wa sekondari na pia maofisa elimu ili wajiandae kuwajibika.

Dendegu alisema zipo changamoto kama ufundishaji wa mazoea, kufanya mambo kwa kufupisha, utoro kwa wanafunzi, wazazi kukosa mwamko na zingine nyingi.

Alisema pamoja na changamoto hizo, wana mikakati ya kutoa chakula na kutaka maofisa elimu kufuatilia shule mbalimbali lakini bado uzembe upo.
Share:

Yanga Waongoza kwa Ubora Tanzania,Yazipita Simba na Azam kwa Mujibu wa Caf..!!!!

 
Mabingwa watetezi wa Ligi Kuu Bara, Yanga ni baba lao hapa nchini, ni baada ya kuzizidi Simba na Azam FC kwenye orodha ya Klabu Bora Afrika.
 
Hiyo ni kwa mujibu wa orodha iliyotolewa juzi Jumapili na mtandao mkubwa wa kimataifa wa FootballDatabase.
 
Kwa mujibu wa orodha hiyo, Yanga inaongoza ubora Tanzania baada ya kujikusanyia pointi 1252 ikipanda kwa nafasi 14 huku ikikamata nafasi ya 332 barani Afrika.
 
Azam waliochukua Kombe la Mapinduzi hivi karibuni, wenyewe wanashika nafasi ya pili nchini Tanzania kwa pointi zao 1249 na kukamata nafasi ya 353 barani Afrika.
 
Simba wanafunga orodha ya Tanzania katika nafasi ya tatu kwa pointi zao 1247 katika nafasi ya 358 barani Afrika.
 
Katika orodha hiyo, Simba ndiyo timu iliyoimarika zaidi kwa kupanda kwa nafasi 38 toka nafasi waliyokuwa mwaka jana.
 
Mabingwa wa kihistoria Al Ahly wanaendelea kuongoza barani Afrika wakifuatiwa na Esperance de Tunisia, TP Mazembe, AS Vita na Etoile du Sahel wakikamilisha tano bora.
 
Yanga, inatarajiwa kuiwakilisha nchi katika Ligi ya Mabingwa Afrika huku Azam ikicheza Kombe la Shirikisho Afrika, Simba wameporomoka kwa kuwa ni muda mrefu sasa hawajashiriki michuano ya kimataifa.
Share:

Total Pageviews

OWNER:LEWIS MBONDE

Mawasiliano Yangu +255 658 194 194 Email:lewismbonde@gmail.com Kama una habari tafadhali tutumie kupitia email yetu Morogoro,Tanzania

HABARI MPYA


Recent Posts Widget

Translate

Blog Archive

FIND US ON FACEBOOK

FOLLOW ME ON INSTAGRAM

BLOG ZA MARAFIKI

Powered by Blogger.